محمد غانم
أيه هو النيكوتين ؟
النيكوتين العضوي: شبه قلوي وسام. موجود في نبات التبغ ، في الطماطم، البطاطس، الفلفل الأخضر،
والباذنجان وغيرها، النباتات وخاصة التبغ بتستخدم النيكوتين كوسيلة للدفاع عن نفسها ضد الحشرات.
طب ايه اثره عليك لما تدخن النيكوتين ؟
لو أخدت النيكوتين بجرعات معتدله النتيجه هتكون احساس بنطلق عليه في عالم النيكوتين ” مسلطني و عادل
دماغي ” او ” معلم في الدماغ ” اسف علي طريقه الكلام بس احنا فعلا بنقول كده 🙁 .
لكن أخدت النيكوتين بكميات كبيرة ممكن يخليك تحس بالدوخة أو ضربات القلب تزيدد بشكل ملحوظ و ممكن
تحس بالام في المعده. ..
هو النيكوتين ضارة في الفيب ؟
النيكوتين نفسه مش مادة مسرطنة، ولكن الشوائب التي يمكن أن تتبقي من عملية التصنيع و الناتجة عنه هي
اللي فيها الخطورة نقاء وجودة النيكوتين خصوصا في عمليه الفيب مهمة.
هو مهم ان النيكوتين يكون ليه داتا شيت ؟
أه مهم عشان زي ما قلنا نتأكد من درجه نقاءة و نتأكد أن النيكوتين مش متخلق من كبريتات النيكوتين.
طيب ايه درجة النقاء المفضله في النيكوتين؟
ما تقلش عن 99 في المية كحد أدني….. ودي مش النسبه العظيمه اللي بتتنافس فيها الشركات………..
رجاء مراجعه الموقع
http://www.pharmacopeia.cn/v29240/usp29nf24s0_m56620.html
مثال للداتا شيت لاحد منتجات النيكوتين الشهيرة.
معلش مش ذاكر اسمها عشان ما يتقالش اني باسوق لحد …
إزاي أعرف إذا كان النيكوتين كويس و لا لأ ؟
النيكوتين الجيد ليه نكهة بسيطه مع ثروت هيت خفيفة. لكن النيكوتين الغير جيد بتبقي ثروت هيت عنيفه …….و دي
حقيقة عكس المتعارف عليها في مصر ……..يقولك نيكوتين نضيف جدا بس حامي شوية !!!!!!!!
وكمان لو درجة نقائة مش عالية هيأثر علي طعم الفلفر في الليكويد.
هو النيكوتين آمن للتعامل مع؟
النيكوتين السائل المركز تركيز ألف بيكون عالي السمية ويحتمل أنة يكون قاتل إذا وقع علي جلدك. عشان كدة
يفضل اللي يتعامل معاه يكون متخصص و فاهم و عدة الامكانيات و الأدوات المناسبة للتعامل معاه.
اية موضوع أكسدة النيكوتين دة ؟
بوصوا اللي يهمنا في الموضوع ده ان لو النيكوتين إتأكسد و إحمر إحمر يعني ما تستخدموش . وممكن نبقي
نتكلم عنه في بوسط تاني عشان انا تعبت من رغيي … ..
