![](https://awel-abbas.com/magazine/wp-content/uploads/2019/02/poster-vaping-health-1517405948.jpg)
النيكوتين هو مادة ضارة، إدمانية موجودة في جميع منتجات التبغ. ولما كنت تدخن سيجارة، او تشرب حجر معسل يمتص النيكوتين عن طريق الفم والرئة ويسافر من خلالهم للجسم في مجرى الدم ويوصل مباشرة للدماغ في فترة من 7-15 ثانية يخلي المخ يفرز مواد كيميائية تسببلك هدوء نفسي وشعور بالسعادة. مع مرور الوقت، يؤثر النيكوتين على الناقلات العصبية في الدماغ، يغير الطريقة التي بتشتغل بيها خلايا معينة في المخ. لما بقى توقف استخدام النيكوتين، هتحصل تغيرات تشبه الخلل فى وظائف الخلايا اللى اتغير نشاطها و يفضل الخلل ده يعالج نفسه تلقائيا خلال فترة من 4 إلى 6 أسابيع ودي اللى بنسميها الاعراض الانسحابية للنيكوتين و بعد كدة ترجع خلايا المخ تشتغل بطبيعتها وطبعاً أغلبنا عارفين ان الاعراض الانسحابية دى ممكن تاخد صورة واحدة او بعض الصور من الحنين للسيجارة او الشعور بالعصبية او القلق او الاكتئاب او الكحة وارتباك فى الجهاز الهضمي صدقنى لو قدرت تاخد قرار قوي و تغلبت على الفترة دى .. هتلاقي حنينك للسيجارة بيزول بشكل تدريجي و بعد اول اسبوع فقط ..
أضرار النيكوتين على المدى البعيد :
أكيد كلنا عارفين ضرره و هتعرض ليه بسرعة كدة
النيكوتين بيضر الدماغ لأنه بيعمل مع الوقت خلل فى بعض خلايا المخ بسبب افراز بعض المركبات الكيميائية بتأثر على الدماغ وتخليك مش قادر تفتح عنيك فى الضوء القوي مثلا او يعملك اضطرابات فى النوم او الدوخة و غيرها.
النيكوتين بيضر القلب والشرايين وبيزيد معدل ضربات القلب وبيرفع الضغط وبيحفز على زيادة افراز الادرينالين على المدى القصير .،، اما على المدى الطويل الاصابة بالضغط وامراض القلب والشرايين وزيادة احتمال التعرض للإصابة بالنوبات القلبية وامراض الأوعية الدموية والسكتات الدماغية لا قدر الله
النيكوتين بيضر بعنيك .. وبيخليك ضعيف الرؤية بالليل .. وده لأنه بيعمل على وقف انتاج اصباغ في عنيك مخصصة للرؤية الليلية .. يعنى كمان النيكوتين بيضر نظرك و عنيك .
النيكوتين بيساعد على سرعة الأيض والحرق للجسم وده بيهدر الطاقة الكاملة فى الغذاء
النيكوتين بيمنع قيام الدورة الدموية بدورها السليم وده بسبب إجهاد النخاع الشوكي في انتاج كرات الدم الحمراء بكثرة و غير كاملة النمو .. بتحمل النيكوتين فى مجرى الدم .. وده بيغير من وظيفة كرات الدم الحمراء فى حملها للأكسجين وكترة كرات الدم الحمراء بيزيد من تجلط الدم فى الشرايين والاوردة و يعرضك لا قدر الله للجلطات بجميع انواعها.
بسبب عدم قيام الدورة الدموية بعملها بشكل سليم .. ده هيخليك ماعندكش القدرة الجنسية الكافية رغم انك تحت ال40 سنة و المفروض تبقى بكامل صحتك وده خلاف أمراض العقم والإجهاض و تشوه الأجنة فى الارحام وعدم الوضع بشكل طبيعي عند الإناث .
ده غير اخطار الرئة .. انك ما تقدرش تاخد نفس كامل و الإجهاد التنفسي عند ممارسة الرياضة وده بيزود إحتمال الإصابة بأمراض الرئة.
لجوءك للفيب .. مش معناه انك تشرب نيكوتين عمال على بطال … لا حاول تعمل على تدرج استخدامك فى النيكوتين .. بشكل سريع لحد ما توصل لزيرو نيكوتين .. وساعتها هيبدأ جسمك فى التعافي وتكون ضمن الناس الأسوياء الغير مدخنة من الاساس … لأن ربنا سبحانه وتعالي خلق جسمك بيجدد نفسه بإستمرار و ده سبب وجود حي لحد دلوقتى … اسف للإطالة
المصدر
https://www.ucanquit2.org/HowToQuit/ResourceLibrary/HealthandFitness/EffectsNicotine.aspx?p=1