معظمنا ممكن ما يهتمش اوي بشرب معدل متوازن من الماء على مدار يومه .. الانسان الطبيعي بيحتاج حوالي 2.5 لتر إلى 3 لتر يوم يوميا … عشان يحافظ على وظائف جسمه بشكل كامل … ايه بقي علاقة الكلام ده بينا كفيبور؟؟؟؟
اتجهت للفيب .. يبقي لازم تهتم بشرب الماء بشكل كافي كل يوم .. لأن الفيب بيحتوي على مستوي من النيكوتين و ده اللى بيزيد مستوى او معدل السموم فى جسمك بسبب تشبع الدم بالنيكوتين خلال الدورة الدموية بيتركز فى الكبد وبيحصل بعض الاضطرابات الوظيفية لأعضاء جسمك …. يبقي حضرتك محتاج تشرب مية بشكل متوازن .. ده غير ان مادة الجلسرين هي مادة ماصة للرطوبة وبالتالي بتعمل نوع من جفاف الحلق والرئة ومع شرب الماء بنتلاشي الموضوع ده .
نصيحة مني لكل فيبور في الوطن العربي
* حسيت بجفاف فى الفم والحلق … اشرب مية .
* حسيت بصداع او دوار … اشرب مية
*حسيت بنهجان .. او صعوبة فى التنفس … اشرب مية.
*حسيت بضربات قلب سريعة … اشرب مية .
*حسيت بكسل او خمول …. اشرب مية .
كل دي أعراض بتحصل ليك لمجرد ان معدل السوائل فى جسمك بيقل … بشكل عام .. وكفيبور بشكل خاص … اتمنى تحاول تدرك اهمية المية فى حياتك جنب هوايتك.
تحياتي ….
وليد عيد
