ديما بسمع من الفيبورز اللى بتعمل داي او لسة هيخوضوا التجربة … انهم عاوزين ليكويد مسكر .. ويا ترى ايه بيخلي الليكويد مسكر جدا .. نلاقي الاجابات السريعة … حد يقول حط ايثيل مالتول .. و حد تانى يقول سويتنر . والاقتناع التام اللى بشوفه ان مازال حتى الان الناس فاكرة ان المالتول بيسكر الليكويد .. عذرا يا سادة … فيه خلط فى الموضوع
لازم بقي نفهم ان فيه فرق كبير بين المالتول والسويتنر
المالتول يا سادة مركب كيميائي .. عند وضعه داخل الليكويد .. هدفه الاساسي انه يساعد من الاقلال من حدة الفليفور القوي .. عشان يظهر الفليفور الضعيف جنبه .. يعنى هو مش بيسكر …. مش مختلفين .. بيسكر لكن ده مش دوره الاساسي فى الليكويد …
لما بنحط الايثيل مالتول .. لازم تفكر كويس وانت بتحطه .. انك عاوز يكون وضعه ايه جوا الليكويد
يعنى لو حطيته بنسبة 0.5% مع الريسبي .. هتلاقيه قايم بدور شوجري بسيط .. لكن بينعم حده الفليفور القوى زى كراميل الRy4 مثلا .. او يهدي ال Acetyl Pyrazine عشان يظهر جنبه التوباكوا كراميل .. و خلافه …
لو ريسبي فيها انواع من التوباكو الخشنة … حط ليها من 0.5% إلى 1% .. هينعم التوباكو في بعض .. و يظهر تفاصيل متناسقة فى الليكويد .
طب لو زادت النسبة وبقت 2% .. ده حلو جدا طبعا .. بس لو مع الحاجات اللى فيها بسكويت .. عشان فوق ال2% و لحد 3% بيظهر البسكوت لأنه ضعيف بطبعه جنب مكونات الريسبي …
طب لو فكرنا نضيف الايثيل مالتول بنسبة 2% إلى 3% في ريسبي مافيهاش بسكويت … ده هيعمل ميوت للفليفورز .. لأن النص ملى منه بيهدى الفليفور القوى .. مابالك بقي ب2% .. ممكن تخلى الليكويد مية بسكر .
طب لو حطيناه فى الريسبي فوق ال4% الى 5% .. هنا هيبدأ ياكل من الفليفورات القوية .. ويظهر بطعمه المستقل (غزل البنات) او طعم السكر المحروق و بيكون فى الخلفية واضح وظاهر.
… اول ما تسمع النسب العالية دي هتنبهر ويقولولك .. كدة القطنة هتروح فى داهية .. و هتبقي سودا .. اقول لحضرتك ده كلام بلح .. ومش بيحصل .. المالتول المخفف بنسبة من 5% إلى 10% .. استحالة مع النسب العالية يكرمل .. ولكن اللى بيعمل ده الاستيفيا .
نرجع تانى ونقول … المالتول وظيفته مش تسكير الليكويدد … لكن وظيفته الاساسية هي تهديه الفليفورز و تناسقها داخل الريسبي .
=======
اسف لو طولت عليكم … لكن للحديث بقية .. مرة تانية فى موضوع تحلية الليكويد او الليكويد اللى عاوزينه شوجري …. تحياتي
